Былырыын 2025 сылга Хоро нэһилиэгин историятын кэпсиир Түмэл аһыллыбыта. Бу түмэлгэ 5,6.7 кылаас оҕолорун экскурсиялаттым. Кэпсээммитин Аҕа дойду сэриитигэр сылдьыбыт бэтэрээннэрбитин , тыылга үлэлээбит дьоннорбутутун кэпсиир стендэттэн саҕалаатым. Иккис хоспут ананар нэһилиэкпит дьоно бэлэх биэрбит малларыгар. Анастасия Константиновна, Иннокентий Константинович Бурнашевтар дьиэ кэргэттэрэ оҥорбут оҥоһуктарын, муспут малларын билиһиннэрдим. Үһүс хоспут ананар Хоро олохтооҕо Гоголев Сергей Александрович оҥорбут Саха сирин араас көтөрдөрүн, кыылларын чуучулалара. Дьицнээх курдук чуучулалары көрөн оҕолор сөхтүлэр, астыннылар, үөрдүлэр. Төрдүс хоспут бу Хоро нэһилиэгэр төрөөбүт биһиги киэн туттар дьоннорбут тустарынан. Суруйааччы, политическай, общественнай деятель В. А. Протодьяконов-Кулантай кинигэлэрин, папкаларын, Буойун – Худуоһунньук Крылов Евграф Михайлович уруһуйдарын, Америкаҕа олорор Крылов Е.М. кыыһа Галина Евграфовна аймахтарын уруһуйдаабыт хаартыскаларын кытта билистилэр. Маны таһынан Бырдьакаанаптар төрүччүлэрин көрөн, бэйэлэрин көрөн, булан оҕолор соһуйдулар. Оҕолор нэһилиэктэрин туһунан элбэх, үчүгэй сонуннары билэн үөрэн-көтөн тарҕастылар.
