Хоро нэьилиэгэр Кыайыы 80 сылынан, а5а дойду сэриитин бэтэрээнэ  " Буойун- худуоьунньук" Евграф Михайлович Крылов 110 сылыгар аналлаах  Уйгу быйац ыьыа5а ыытылынна. Ыраахтан, чугастан ыцырыылаах ыалдьыттар мустаннар Алгыс ылынаннар  туьулгэ тула оьуохайдаан эргийдилэр. 

Ыьыахха кэлбит дьону э5эрдэлээн ыллаатылар Саха эстрадатын  ча5ылхай сулустара Аскалон Павлов, Буэккэ Бэтуруэп, Терентий Егоров-Тэрэнтэй.

Улуу Кыайыы 80 сылынан Хоро нэһилиэгин ыһыахтыыр сиригэр “Хоро Уола – 2025” саха төрүт оонньууларыгар үгэс буолбут күөн күрэс тыҥааһыннаахтык буолан ааста. Быйыл Хоро уолун курэ5э 20 сыла.

Эт элэйэр, сыра сындалыйар уһун күрэхтэһии түмүгэ өр кэтэһиннэрбэтэ. Уопсай түмүккэ очукуотунан лаппа атан, Орто Халыма улууһун иҥиирдээх бэрдэ, быччыҥнаах бастыҥа Артем Оконешников кыайыылаах тахсан, “Хоро уола” күөн күрэс кыайыылааҕынан ааттанна. Киниэхэ олохтоох дьаһалта аатыттан 70 000 солк. харчынан бириэмийэ туттарылынна. Иккис миэстэҕэ тахсыбыт Дүпсүн чулуута Эрсан Соловьев 50 000 солк., үһүс миэстэҕэ тиксибит Лөгөй күүстээҕэ Илья Карамзин 30 000 солк. харчынан наҕараадаланнылар.