Ахсынньы 12 күнүгэр Хоро нэһилиэгэр  кулууппут 75 сыллаах юбилейа ыытылынна. Бу юбилейга аналлаах  "Майаҕаска култуура дьиэтин 75 сыла" кинигэ сүрэхтэниитэ үөрүүлээх быһыыга ыытылынна. Үөрүүлээх күццэ ыраахтан, чугастан ыцырыылаах ыалдьыттар, култуура, библиотека, киинэ бэтэрээннэрэ, улууспут  култууратын салайааччылара, нэһилиэктэр  кулуубтарын  директордара кыттыыны ыллылар. Култуурабыт кинигэтин  өр сылларга кулууб директорынан үлэлээбит Саха Өрөспүүбүлүкэтин култууратын туйгуна, Хоро нэһилиэгин бочуоттааҕа, култуура бэтэрээнэ Павлова Н. С. эрэдээктэрдээн, Хоро администрацията 80 устууканы  үбүлээн "Дани -Алмас"  типографияҕа бэчээттэнэн таҕыста. Көмпүүтэргэ тацна А.Г.Кириллин. Култуура үлэтин кэпсиир  1950 сылтан саҕалаан хаартыскаларынан быыстабка дьон болҕомтотун тарта. Кинигэ сүрэхтэниитин кэмигэр олуктарынан медиа-презентация көһүннэ. Култуура юбилейын үөрүүлээх чааһыгар култуура бэтэрээннэригэр, үлэлии сылдьар үлэһиттэргэ Республика, улуус, нэһилиэк эҕэрдэ суруктара, наҕараадалар туттарылыннылар. Кулууб, нэһилиэк олохтоохторун көмөтүнэн  эҕэрдэ концерынан түмүктэннэ.